國安法

「人大」

因為上年反修例而引起嘅社會風波,直到今日依然未平息。接二連三政府不斷打壓,亦都未有回應市民嘅訴求。與此同時香港回歸咁耐依然未為《基本法》23條立法,但係即將開幕嘅中國全國人民代表大會將審議有關香港「維護國家安全」的議案。據媒體報道,今次加入嘅《國安法》將包括顛覆國家政權,分裂國家,恐怖活動,以及外部勢力干預。

「國安」

如果今次通過《國安法》直接放係《基本法》附件三嘅話,基本上所謂嘅「一國兩制」可以話蕩然無存,因為《基本法》23條部分內容不需要經過香港立法會審議,直接放係《基本法》附件三就可以係香港實施。當然好多人會問乜嘢係《基本法》附件三?簡單啲講就全國性法律除咗係附件三內出現,否則係唔會係香港實行。但係今次將《國安法》加入附件三就會開出先例!

「一國」

當然咁多年嚟《基本法》23條都有好多爭議,咁如果《國安法》直接放係《基本法》附件三,係唔係已經唔需要《基本法》23條呢?因為《國安法》所覆蓋嘅範圍已經遠遠超過《基本法》23條。如果真係通過嘅話,其實同中國有乜嘢分別?莫講話言論自由受到打壓,基本上只要係反對嘅聲音都可能被視為顛覆國家政權。咁你係唔係仲覺得香港依然係一個自由嘅社會,仍然係一國兩制?