撐港台

「打壓」

政府近日接二連三咁打壓香港電台!除咗早前收回教育電視大樓之外,早前因為港台節目《頭條新聞》播出諷刺警方執法嘅內容而屢遭投訴,通訊事務管理局亦都因此作出調查。2 月14 日播出嘅《頭條新聞》收到超過 3300 個嘅投訴,而今日通訊局經過調查後,認為《頭條新聞》污衊同侮辱警方,資料不準確,未能係個人意見節目中表達多方面意見,裁定投訴成立。所以向港台發出警告,敦促要嚴格遵守《電視節目守則》。

「頭條」

咁究竟乜嘢係本節目純粹係個人意見?香港仍然有言論自由?而作為一個公共廣播機構,佢哋嘅責任係乜?當然香港電台係政府轄下嘅機構,只不過好明顯今次係打壓言論自由。《頭條新聞》應該係其中一個多人睇嘅節目,當然仲有《鏗鏘集》,《城市論壇》,《議事論事》等等都牽涉到時事同政治嘅議題。不過香港電台今日就表示《頭條新聞》播完今季後將全面暫停。

「新聞」

《頭條新聞》一直嘅都係以諷刺時弊嘅方式去製作,而咁多年嚟都無變過。事源係因為早前由王喜飾演一段《驚方訊息》引起警方不滿。今次嘅打壓會唔會擴展到其他節目?之後嘅製作會唔會開始自我審查?不過老實講就算想封殺同打壓,製作其實可以係其他平台上載同轉播。今時今日亦都唔一定係透過電視台節目。除非政府將網絡封鎖,咁到時就真係要翻牆。