監警會

「廢話」

其實監警會做啲乜?佢實質有啲乜嘢嘅用途?做完份報告真係可以平息香港市民對警隊嘅質疑?一份審視有16章過千頁嘅報告,究竟講啲乜嘢?基本上全部都係廢話,完全唔覺得中立,而且就算知道問題有點?到最後都只係一份報告!就好似報告中提及上年7月21日元朗站事件,「警方多次錯失情報及澄清機會,引發警黑勾結的指控,但強調警司與白衣人交談及輕拍肩膊,具有充分理由。」失情報及澄清機會?警司與白衣人交談有充分理由?

「報告」

一個無法定嘅調查權力,一個機構嘅全部成員係由特首委任,一個只能向警方提供意見,希望接納嘅監警會,其實所做嘅調查報告有啲乜嘢嘅說服性?當然我哋嗰位高高在上嘅特首就當然會跳出嚟回應個份報告內容係「全面,客觀,以事實為基礎,極有分量」,與此同時繼續拒絕成立獨立調查委員會去調查事件。其實佢係唔係當香港市民係白痴?做份咁嘅調查報告又有啲乜嘢用?根本一開始就已經無人信監警會所做嘅報告,莫講話佢哋有無說服力,而今次嘅報告就更加唔駛講!

「監警」

當然我無時間去逐一個點去評論,因為都知道份報告係浪費時間!所謂嘅監察同覆檢警察嘅投訴同內部調查科所調查嘅個案,如果無任何法律權力基本上你覺得啲警察會理你。個報告基本上偏幫警隊,完全搵唔同嘅藉口幫警隊開脫! 其實而家係唔係當香港嘅市民係白痴?你又唔公開啲資料,又唔肯成立獨立調查委員會,又有人都睇到新聞同直播!唔通一個報告就覺得可以了事?係唔係天真咗啲呢?