搞錯晒

「名字」

點解人出世改名嘅時候係要跟爸爸個姓,其實根據香港《出生登記條例》第13條,現時嘅出世紙只填寫小朋友個「名」或「名字」,但不包括姓氏。咁究竟小朋友係跟隨爸爸定媽媽個姓呢?一般情況下,已婚夫婦誕生嘅小朋友係會跟隨爸爸嘅姓氏。如果爸爸同媽媽協定自己嘅小朋友跟隨媽媽嘅姓氏,佢哋係可以同入境處提出申請,當局會視乎情況下再作處理。至於未婚誕生嘅小朋友,假如爸爸資料欄留白,小朋友係可跟隨媽媽嘅姓氏。

「姓氏」

有啲人真係無知到一個點,好心真係唔好走出嚟俾人笑啦!唔通成龍真係真係姓成咩?連人哋本身姓乜都未知就出嚟話人真係睇完笑咗。點解黃秋生而家叫黃秋生?究竟佢姓乜?好簡單,上 Google Search 下就知道一清二楚囉。人哋移唔移民其實都唔關你事,乜嘢國籍亦都唔關你事。每個人都有自己嘅選擇權。唔通無中國人移民?唔通無中國人改名換姓?真係無聊到一個點!

「原名」

真係不厭其煩講多次!黃秋生嘅原名叫 Anthony Perry,佢係一個中英混血兒。爸爸係英國人 Frederick William Perry,當年係一名英國皇家空軍嘅飛行員。而媽媽黃尊儀係華人,因為黃秋生 4歲嘅時候遭父親拋棄佢哋兩母子,所以自細就同媽媽相依為命。就係咁佢之後就跟咗媽媽姓黃,所以講乜嘢愛姓黃就姓黃,不愛姓黃就不姓黃,搞清楚先知講人啦!