在哪兒

「哪兒」

相信同我年紀差唔多嘅人都應該記得有首兒歌叫做「哪兒」。而世界真係好奇妙,因為首歌原來係一位朋友/前輩嘅作品!亦都係因為兩年前「小塵埃」翻唱首歌先至知道首歌原來係佢嘅作品。近日因為電視劇「降魔的 2.0」嘅緣故,「哪兒」再一次勾起大家嘅回憶!不過背後除咗係一首兒歌之外,一個集體嘅回憶之外,其實首歌背後係有一個故事,一個關於「哪兒」嘅故事!

「夢想」

相信好多人細個嘅時候都有一個夢想,但係究竟有幾多人長大後依然堅持自己嘅夢想?定係發現要面對現實而選擇現實?睇完一位朋友/前輩嘅文章之後,其實感覺有啲空虛,因為過去咁多年做緊嘅嘢同自己嘅夢想越嚟越遙遠,甚至乎基本無可能再重拾當年嘅夢想。從事設計係自己嘅夢想,而究竟係因為現實定係機遇而成就今日嘅我?那段做設計嘅日子永遠係自己人生嘅最好回憶。

「藝術」

音樂同設計都有一個共通點就係一個世界通用嘅語言,透過一個媒體去傳達訊息。每個人聽完同睇完之後都會有唔同嘅感覺。而且亦都無話一定係一個好或者差嘅作品,只係因為每個人都有唔同嘅感受,有鍾意同唔鍾意,就係咁簡單。所以音樂同設計都係藝術,只係我自己認為音樂比設計更加容易勾起大家嘅回憶。今日究竟我哋係「哪兒」嘅「哪兒」呢?


「降魔的 2.0」-《哪兒》