「母親」
仲記唔記得我哋嗰位以為自己係所有人嘅母親嘅特首？佢嘅母親論應該都已經差唔多係一年前，啱啱發生反送中示威嘅時候。佢當時係一個獨家訪問入面，用母親無法縱容兒子吵鬧嘅任性行為比喻此次反送中示威，為嗰啲佔領金鐘嘅年輕人感到憂！當然就立刻被好多香港人反擊，甚至引起一班香港嘅媽媽發起連署，認為自己身為一位母親，絕對不會用有殺傷力嘅武器攻擊自己嘅仔女！亦都唔會見到年輕人係警棍下血流披面仍無動於！
「禮物」
過咗近一年，究竟呢個自大嘅特首有冇真係諗下自己問題！其實答案好明顯！就睇下佢出嗰篇母親節嘅文章就知道啦！如果唔係因為佢嘅自大，又點會因為一份母親節禮物，而引來一場虛驚？講到份母親節禮物幾咁有心思，話因為係同自己每日用嘅公事包一樣，只係顏色唔同，但係最尾嗰句都真係幾哽眼！乜嘢叫做「雖然橙色不是我的至愛」？雖然補咗句「但至親的心意才是最重要」，但係好明顯有啲嫌棄嘅感覺囉！
「感激」
就係因為咁，好多人問究竟嗰個「橙色」袋係乜嘢牌子，因為真係牌佢累死！無人想知你母親節收到啲乜嘢禮物，亦都唔想知你鍾唔鍾意「橙色」，因為一個自大嘅人搞到滿城風雨！母親節係希望大家感激媽媽對屋企嘅付出同貢獻，而自以為係香港母親嘅特首過去嘅貢獻就係無貢獻！真係唔該晒！因為你出一篇嘢，分分鐘搞到嗰個袋嘅牌子被人唾棄，果然貢獻不少，破壞力真係驚人！
