「演唱」
雖然疫情好似有所緩和，社會亦慢慢有啲生氣，但係仲有好多人仍然因為疫情嘅影響，經濟依然受到影響。當然郭富城決定係疫症期間舉辦一場網上慈善演唱會，聯同接近100名舞蹈員演出，為專業舞蹈員及電影幕後基層工作者籌募抗疫經費以作支援。咁日嘅天氣十分之炎熱，莫講話一路唱一路跳，就算你係街到行一行都已經全身濕晒！真係好佩服佢！
「鼓舞」
今次係疫情以來係海港城舉辦嘅演唱會，當然我哋唔可以將郭富城同許冠傑比較。但係最起碼今次無俾人騎劫！所以重點係大家都想為社會出分力，而相信如果你今日有睇「鼓舞．動起來網上慈善演唱會」嘅朋友都應該感受到郭富城對跳舞嘅熱誠。點解佢叫舞台王者唔係無原因！著住一條西褲，一對皮鞋，不停又唱又跳一個鐘，重要係炎熱嘅室外舉行，真係唔佩服佢都唔得！平時就話有冷氣啫，但係今日應該連風都唔多滴！
「強人」
對於我哋嚟講，樂壇四大天王都係陪住我哋成長，當然郭富城亦都唔例外！有可能年輕嘅一輩唔認識佢嘅歌，但係每一首都好經典！當然最後用『強』作為結尾真係好好！「強人是你，能飛天遁地，其實你了不起，假使你永不說不能做到！強人是你，能頂天立地，如敗倒，再掙起，永沒言死，才是活著的真理！曾垂頭萬次，仍抬頭又次，再戰再創這生意義，無忘慈父那，從前留下句子！」
