派口罩

「口罩」

政府宣布將會向全港700萬市民派發免費可重用的口罩,名為「銅芯抗疫口罩」。市民只需要上網登記,之後當局就會派人將口罩送上門。政府亦會同時向市民派發3000萬個一次性口罩,首批將於6月底透過香港郵政,每戶派發10個。「銅芯抗疫」口罩係由香港紡織及成衣研發中心研發,符合ASTM F2100的標準,清洗後可以重複使用60次,換濾芯後更可長期使用。

「政府」

香港政府真係去到一個點唔知點樣去形容!當香港市民係疫情開始就週圍撲口罩,好多仲要排通宵先有得買,依家真係走出嚟攞個尾彩?經過三個月嘅疫情,香港嘅情況有紓緩嘅跡象,而香港亦都開始生產自己嘅口罩。當然有得派好過無得派,只係唔好再遲啲?今次嘅疫情係全靠香港人自己,亦都因為有過沙士嘅經驗,所以先至有效咁減少本地感染個案!

「創科」

其實隻口罩曾獲第1屆「亞洲發明展覽會」銀獎,以及第46屆「日內瓦國際發明展」金獎。其實香港有好多好勁嘅創科項目,只不過有冇人知道甚至乎有冇人重視。好多都係兜咗幾個圈先至有人知原來香港有啲咁勁嘅創科項目。今次又睇下係唔係好似政府所講,咁容易就可以申請到。老實講大家需要其他嘅紓緩措施多個口罩,因為香港人係過去嗰三個月已經習慣咗樸口罩,倒不如專注點樣幫啲更有需要嘅人啦!