黃金週

「遊客」

相信香港好耐無試過一個無遊客嘅黃金週。當然好多人以前係靠內地遊客係假期嚟香港旅遊同消費。當然最受惠嘅都係旅遊業,零售業,飲食業等等。但係香港人就覺得好攰,除咗平時自由行,水貨客搞到好多地方都人多擠迫。最大嘅問題就當然係質素問題!而當大家過去咁多年都好容易賺錢嘅時候,當遇到逆市嘅時候,就好似而家咁。其實太過依賴單一收入來源先至係問題所在,而且係市況好嘅時候唔改變,到問題出現嘅時候就已經太遲了!

「黃金」

黃金週係唔係真係有黃金?或者過去十幾年對某啲人係,只不過近年已經出現咗好多問題,只不過上年嘅社會運動同今年嘅武漢肺炎加速咗整個問題。高舖租,四處都係金舖,藥房,其實就知道問題所在。香港人真係需要一式一樣嘅商舖?當然經濟係重要,只不過人民嘅生活亦都重要。當然沙士之後放寬自由行的確令經濟有所增長,只係已經太過依賴內地旅客消費,當再無黃金週嘅時候,亦都係應該覺醒嘅時候!

「依賴」

真係好難得條街可以無旅客,香港嘅狹窄嘅街道終於回覆正常,俾返我哋香港人用。當然香港係需要旅遊業,只係當一個城市已經超出本身嘅負荷,而且影響香港人嘅信活嘅時候,其實就應該檢討。過咗咁多年政府其實都無做過任何嘢,與此同時好多人都已經習慣咗依賴旅客消費。真係希望今次嘅疫情可以做一個洗牌嘅動作,等香港可以變返一個多元化嘅社會。