舊照片


個人分享
Tagged With: , , , , , , , , ,

「照片」

人越大就好似越少影相,我自己係單人照。要搵舊相都比較容易因為細個都會俾人影。就算而家有部手機,自拍雖然方便,但係我諗男仔就真係好少自拍。自己鍾意影風景,影小朋友,依家就連相機都好少用,因為手機真係實在太過方便。雖然同相機有好大出入,不過同小朋友出街真係好難下下帶部相機出去。當然睇返相有好多回憶,甚至乎有時睇番都覺得幾好笑。然後會問點解嗰陣時會影張咁嘅相。

「舊照」

相信大家近日都見到係社交網站都有人發佈自己嘅陳年舊照。其實原因係因為一個好簡單嘅遊戲就係只要你 Like 咗人哋張相,之後你自己亦都要接受挑戰,將自己嘅陳年舊照 Post 出嚟。當然自己都中咗,所以搵返自己好多年前嘅相出嚟。咁啱遇著剛剛,出相嗰日係張相影嘅日子都係同一日。睇返 25年前嘅自己,再諗一諗,乜原來已經過咗 25年?究竟自己25年來做過啲乜?人生飛逝,歲月不留人!

「記錄」

唔知點解諗起舊照片會諗起舊記憶嚟幾隻字。或者同蘇永康隻「假使有日能忘記」段歌詞好似?「舊記憶,講不出有多重,時刻隱隱作痛,常無意中觸碰。」當然未必係同感情有關,因為亦都適合親情。其實相同文字兩樣嘢都會成為我哋嘅記憶,就好似我之前所講,我寫文唔係為咗啲乜嘢,亦都唔理人哋睇唔睇,甚至乎認唔認同。因為我只係將我自己嘅觀點與角度用文字記錄。當然有一啲係記錄小朋友嘅成長。希望有日佢哋可以自己睇返!