魔力橋

「遊戲」

Rummikub 魔力橋,係一種適 2至4人嘅桌上遊戲,由以色列人 Ephraim Hertzano 係1940年代設計發明,目前亦都有支援到6人一齊玩嘅遊戲版本。遊戲除咗有聯誼娛樂性質,亦經常被學界,社團或者商家用嚟舉辦益智競賽,曾獲得1980年德國年度最佳遊戲及1983年荷蘭年度最佳遊戲。由於魔力橋嘅方形牌面,遊戲湊組合的方式,以及將牌打散洗混嘅聲響動作,而有啲類似麻將,所以亦有「以色列麻將」之稱。

「魔力」

真係唔玩唔知,而家啲小朋友原來咁細個已經玩啲咁嘅桌上遊戲。亦都因為好多人玩 Rummikub 魔力橋,所以都買咗盒俾郭大少。其實玩法都相當簡單,亦都唔係太過複雜,因為有兒童版,相對比較容易。最起碼唔係玩手機先啦,因為依家已經要對住部電腦上堂,所以玩下啲益智嘢都好嘅。當然希望可以再多啲時間陪佢玩啦。亦都希望疫情快啲完結,啲小朋友可以快啲返學過返啲正常生活。

「科技」

我哋以前細個玩得最多嘅都應該係飛行棋或者鬥獸棋。不過依家係出面見到嘅款式真係同以前好唔同。因為科技發達,好多小朋友好細個就已經用電腦上網做功課。當然有佢嘅好處,但係自己亦都覺得會唔會太多時間對住啲螢光幕。最擔心嘅都係影響佢哋嘅視力同長遠嘅發展。適當使用科技當然係好事,就好似今次嘅亦稱咁,佢哋就可以係屋企上堂。不過都係希望佢哋多啲時間出去走動下。