離晒譜


個人分享
Tagged With: , , , , , , , , ,

「法治」

香港仍然係我哋嘅香港嗎?以前我哋長大嘅地方點解變得如此荒謬?香港人所相信嘅法治點解會變成咁?究竟邊個先至係受害者?法官唔係應該中立嘅咩?點解可以將是非黑白完全顛倒?竟然可以高調咁將對社會運動嘅譴責,甚至乎將犯罪人嘅行為同責任推卸去一場社會運動,真係十分之荒謬。係法律面前係應該公平公正,唔應該因為任何人嘅背景而去作出任何嘅判決!今次證明咗香港有一部份嘅法官嘅專業操守!

「離譜」

一個法官竟然將一個罪犯嘅行為用情操高尚去形容,當睇到篇報道嘅事後真係眼都凸埋!作為法官其實應該係中立,尤其係政治中立!如果因為社會運動而導致一個人犯罪,不論係邊個都好,應該係一視同仁。更何況今次案件係一名用刀去襲擊三個政見唔同嘅市民!係有政治取態嘅大前提下,首先已經偏離一個法官應有嘅中立性,與此同時亦發出一個非常錯誤嘅訊息畀社會,就係斬人之後認罪原來係情操高尚嘅行為!

「中立」

如果掉返轉頭去問,咁元朗白衣人又係唔係因為受到社會運動影響去襲擊市民?警隊濫用武力又係唔係因為社會運動而導致?點解香港人相信法治係因為大家都有一個同一個價值觀就係法治係中立。法治係不偏不倚,公平公正仲有公義!如果法治失去咗中立性,咁仲係大家一直認同嘅價值?作為一個法官,係任何時候都應該保持中立,公然將問題歸咎於社會運動,咁大家仲點樣可以相信法治?