開網店


個人分享
Tagged With: , , , , , , , , ,

「網店」

真係好多人因為疫情所以搞網店!但係一間網店係今時今日嘅環境,真係成也數據,敗也數據。唔識分析數據就更加唔好諗點樣賺錢!當然開網店嘅平台多的是,除咗解決開店問題,仲有好多嘢要處理,包括貨源,價格,定位,付款,物流,客服等等。就算搞掂以上嘅問題,之後其實仲會有好多其他營運上嘅問題每日都要解決。所以做搞網店一定要數口好精!如果唔係大部份都係蝕錢收場!

「數據」

做網店真係咁容易賺錢?啱啱係網上面睇到有人話啲人教人點樣係網上賺大錢,但係點解自己唔去賺?呢個的確係一個好問題,因為真係有好多因素影響你嘅生意。當然無一本天書可以睇到老,最起碼自己已經對咗個網二十幾年,真係可以話見盡風風雨雨。做網店最緊要係睇數做人,如果唔係樣樣都做,其實都唔知邊度出事。由吸客到真正銷售,每一個步驟都要計算轉換率,搵出問題再針對處理。之後就係點樣增加收入,例如開拓新市場同加大每張單嘅銷售額。除此之外就係點樣令客戶再返嚟幫襯!

「營運」

開網店真係唔係零成本,所有嘢都要計到盡。每一分每一毫都要用得其所。尤其係廣告,一般希望最起碼要有「三倍」以上嘅回報,由吸引客戶都最終銷售嘅轉化率其實都最起碼要有「百分之一以上」先至有可能長期營運。最緊要係要流程簡單,同將最緊要嘅訊息擺係當眼位,例如送貨,退款,聯絡方式等嘅資訊。真係唔好浪費時間係用乜嘢技術同嘗試自己起網店,試咗有冇市場,快來快去。當然配合埋數據,基本上就知道自己要做啲乜同點樣改善營運模式。