男陪月


個人分享
Tagged With: , , , , , , , , ,

「陪月」

傳統嘅陪月員通常都係女性為主,當然最大原因係男女有別。當然陪月唔係一件簡單嘅事,尤其係面對新手媽媽同爸爸,有好多嘢要兼顧。當中最主要嘅一定係照顧初生嬰兒為主,然後就係日常飲食。因為中國傳統有好多,其中一樣比較重要嘅就係調理身體。所以要做一個陪月員係需要好多知識,最起碼都要知道點樣照顧初生嬰兒,兼且要入得廚房如果唔係點樣可以照顧媽媽嘅起居飲食。

「照顧」

其實當郭大少出世之後,好多嘢都係要自己親力親為。再加上無四大長老幫手,所以當時請咗一個陪月幫手。雖然事前參加過啲講座,但係到你自己落手落腳做嘅時候,好多時都會手忙腳亂。不過因為過咗一個月之後就無培月幫手,所以都要學識點樣照顧郭大少同老婆嘅起居飲食。亦都因為自己一手湊大郭大少同郭千金,真係有諗過點解男人唔可以做陪月呢?相信其實有好多爸爸都真係有資格去做陪月,只不過市場又係唔係真係會接受?

「市場」

大部份人請培月都會起碼一個月以上,事關好多時因為開刀所以要比較後期先至可以食補品,因此穩陣啲都住起碼要個陪月幫手個半月。不過亦都係要撞手神,同請工人一樣都係睇彩數。就算有朋友介紹都係一樣,因為始終人夾人。而最近真係有報導講香港終於出現第一位男陪月員。咁究竟會唔會有市場?要打破傳統真係唔容易,但係咁嘅市況下或者係一條出路?因為最起碼依家陪月都住起碼兩萬幾一個月,真係一啲都唔平。星級個啲都最起碼三萬以上,重要未必有期。