「疫情」
香港由農曆新年之前就已經開始對武漢肺炎有所警惕，全因為當年沙士嘅慘痛經歷。當全球仍然當隻肺炎係流感嘅時候，我哋香港人已經周圍搵口罩，準備最壞嘅情況。除咗香港政府嘅後知後覺，實施一堆濟後嘅措施導致香港出現第一波同第二波嘅海外輸入之外，老實講香港嘅感染個案應該會更早出現零個案。所以我哋應該為香港人自豪，政府就算把啦！
「個案」
今日好多人係度討論香港今日「零」個案，好多人好開心仲希望快啲可以復工。但係希望大家唔好因為咁而鬆懈。當然我哋係希望疫情快啲完結，但係一日仲未有疫苗嘅話，一日都仲唔可以鬆懈。雖然某部份嘅經濟活動可以恢復，但係全球嘅疫情仍然未受控制，所以對外嘅活動依然受到好多限制。大家再忍耐多少少，除咗疫情，我哋仲有好多嘢要關心同處理！
「改變」
今次嘅肺炎雖然影響深遠，但係亦都令到好多行業重新檢視自己嘅營運模式。雖然香港有希望可以好快回覆一部份嘅商業同社交活動，不過相信都要好一段嘅時間先至回到疫情前嘅香港，甚至乎應該話未必可以百份百回復。當然今次差唔多足不出門，宅係屋企嘅日子，好多人嘅生活模式已經改變。就算你適唔適應都好，其實經過三個幾月，大家都已經開始習慣咗。
