實驗室

「人類」

今時今日最厲害嘅武器唔係啲乜嘢科技,而係人類。點解人類係最危險?因為人類以為可以利用科技去改變人類。當然有好多嘅研究都係好嘅方面,只不過係過程中往往都會有失敗嘅可能,將本來一件好事變成一件壞事。最可怕嘅就當然係失敗嘅過程中發現院內可以將佢變成武器,尤其研究病毒。就好似遊戲生化危機咁,不論貪念定係意外,就好似武漢肺炎究竟係唔係研究而製造出嚟嘅病毒?

「實驗」

其實都已經唔係第一次有人出嚟懷疑今次嘅武漢肺炎係由一啲病毒研究而係實驗室意外咁樣流出嚟。當然無人知道背後個真相,大家都係用自己嘅專業去拆解今次隻冠狀病毒。當然如果無人去研究病毒嘅話就無辦法搵出治療嘅藥物。當然搵出病毒來源係好緊要,不過而家其實最緊要係製造出有效嘅疫苗,如果唔係都唔知大家要隔離幾耐先至可以回覆以前嘅生活。

「懷疑」

諾貝爾醫學獎得主、法國病毒學家 Luc Montagnier 接受播客 Pourquoi Docteur訪問時指出,新型冠狀病毒肺炎 COVID-19 係中國武漢實驗室發生意外嘅結果。當然佢嘅言論一出就惹起爭議,甚至乎唔少嘅批評。不過懷疑又唔係毫無根據,所以最終究竟源頭係邊,零號感染者係邊個?不論係人造或者非人造,病毒嘅可怕性真係不容忽視,真係一個錯失令人類從此消失。