第十六

「記錄」

因為疫情其本上都係屋企,而郭大小姐嘅脾氣真係大到一個點,對比郭大少嘅真係差天共地。貼身指數簡直超越一隻樹熊!不過女仔同男仔真係分別好大,依然經常去鞋櫃拎對鞋出嚟想去街。不過亦都因為有個頑皮嘅阿哥,所以亦都有啲男仔頭。佢簡直就係超越郭大少,因為無嘢怕,不斷爬上爬落,週圍搵嘢搞,真係破壞力驚人。基本上真係一個名副其實嘅港女!

「十六」

話咁快又一個月,而家識行識走真係慘過看牛牛!除咗食得唔瞓得之外,就係不斷係屋企走來走去,然後八八卦卦咁睇你做啲乜。一時要人抱,一時又要落地,每日無限重複又重複!見到你食嘅嘢又想食,為食指數爆晒燈!不過因為疫情,相信係佢兩歲之前都應該無機會再去旅行。希望遲啲有多啲機會帶佢出去啦,因為相比起郭大少佢真係去少好多地方!

「趣事」

今個月最好笑嘅應該係帶佢去沙灘,初時好鬼驚仲不斷係咁掃走啲沙,但係臨走之前就好勇敢,自己走來走去,希望今年夏天可以同佢去沙灘玩啦。另外因為頭髮真係好長,所以嘗試幫佢紮兩條辮。出嚟個效果超級似怪獸公司個女仔「阿 Boo」咁嘅樣,睇到真係笑咗出嚟!有時我哋係度聽歌,佢又會自自然然咁扭屁股,做啲動作,真係幾搞笑。希望佢同郭大少一樣繼續開開心心,健健康康咁成長啦!