思考題


個人分享
Tagged With: , , , , , , , , ,

「興趣」

有啲人好憎玩推理題,而有啲推理題真係幾難。雖然有一啲亦都係擺明陰濕,所以唔係啲人唔識答,而係設計問題嘅時候就已經專登設定成咁。你做完都只會得啖笑。所以而家見到一啲類似嘅題目就知道竅門所在。不過亦有啲人話係因為人大咗,所以諗嘢複雜咗或者簡單咗,所以忽略咗問題嘅重點。不過點都好最近玩咗個幾好玩嘅,所以希望同大家分享下!大家唔好出貓呀!

「推理」

個個宅係屋企,除咗睇電視煲劇,買材料焗包,上網打機,仲有好多人出好多數學題。雖然魔鬼在細節,但係有個朋友分享咗一個數字同文字嘅推理解鎖題。我睇完都覺得幾好玩。之後當然睇下大家答啲乜嘢,不過有啲一睇就知道錯。其實我都幾鍾意玩嚟啲推理題,因為有時得閒玩下可以將自己嘅頭腦轉下,唔好淨係忙於每日嘅繁忙工作同問題。如果有興趣嘅話,不妨睇下你又解唔解答到。

「問題」

唔知大家有冇興趣玩下嚟個數字推理題?如果你想知道答案就去我個 Facebook 專業留言啦!我保證好玩!如果你答啱咗我會私信你!

以下係解鎖嘅線索

  • 682 「一個數字係啱嘅,而且位置正確。」
  • 614 「一個數字係啱嘅,但係位置唔正確。」
  • 206 「兩個數字係啱嘅,但係位置唔正確。」
  • 738 「全部數字都唔啱嘅!」
  • 380 「一個數字係啱嘅,但係位置唔正確。」