做報告


個人分享
Tagged With: , , , , , , , , ,

「數據」

做數據分析最討厭嘅唔係對住啲數字,而係辛辛苦苦做完嘅報告無人睇。所以數據分析師嘅其中一個必須嘅技能就係將繁複嘅數字簡單化!然後再用適合嘅方法將數字呈現出嚟,之後加以一個動人嘅故事將前因後果串連起嚟。市面上當然有好多唔同種類嘅產品,當然你亦都可以用最傳統嘅方法,就係 Excel 加 Power Point 啦,不過好多時都會做死自己。

「分析」

今時今日仲等人俾報告同數據你?其實如果係一啲簡單同直接嘅數據,基本上我會稱為恆常數據,因為只係俾大家知道目前嘅營運狀況。當然好多時要搵到有用嘅數據要再深入咁去分析,而十個有九個客戶都唔覺得要做一份好嘅報告背後其實係需要好多功夫。不過慶幸而家有一個全免費嘅工具,Google Data Studio!其實佢同Power Point 冇乜分別,只係將不同數據一次過係一個平台處理同做報告。超級方便同慳時間!

「報告」

Google Data Studio 係 Google Maketing Platform 嘅其中一個產品。主要係將數據圖像化,而且背後可以同時間連結 不同嘅數據源。所以再唔需要將唔同嘅數據下載,然後再辛辛苦苦將每一種數據搬返入一個 Excel 去做分析。 更重要嘅係佢嘅功能不斷進步,係短短幾年已經係好多人會用嘅一個工具,而且好多時已經取代咗傳統 PowerPoint 嘅報告模式。當然最煞食嘅係 Google 將嚟個產品完全免費俾所有人用!真係邊夠佢玩呀?