戴口罩


個人分享
Tagged With: , , , , , , , , ,

「點解」

點解個個要戴口罩?原因其實好簡單,就係希望唔好傳染其他人同希望唔好俾人傳染。尤其隻肺炎可以係潛伏期都可以傳染俾人,真係同無形殺手一樣,你根本唔知身邊有冇帶菌者。因為佢哋完全無徵狀,就算有亦因為太似流感,所以而家你有感冒嘅症狀都應該去檢查下,因為自己中咗都唔知。而到現時為止仲未有疫苗可以保障大家,唯一可以杜絕傳播就係盡量唔好出街接觸任何人!就算真係要出去,唔該戴返口罩呀!唔該!

「口罩」

世衛真係弱智到一個點,依家先至話戴口罩可能有用,真係有無病呀?仲話要多啲證據?過去兩個月嘅數據仲唔夠?如果真係信世衞嘅話,唔諗好多亞洲嘅國家同城市一早就已經淪陷咗,而啲感染數字仲邊會處於咁低水平?當然除咗中國之外!戴口罩係常識,相信大家經歷過沙士都知道個嚴重性。仲以為個肺炎好似流感?咁就死得啦,睇下外國就知佢哋唔知會幾大鑊啦!

「問題」

其實而家最大問題係人類對於新嘅病毒無抗體!所以身體本身唔識攻擊啲病毒,而就算感染咗,潛伏期長,無症狀,傳染力強,好返可以再中過。而香港大學微生物學系講座教授袁國勇醫生亦都指出,之前有大約四百名香港人由武漢返港,但當中只有4至5%有抗體,顯示即使係疫區有抗體嘅人唔多,未有足夠群體免疫力。所以疫症會持續一段長時間,等到有有效及安全嘅疫苗研發成功。


如果唔知『Covid-19』/『武漢肺炎』同一般流感嘅分別,麻煩大家睇睇!