不愚人

「愚人」

每年嘅四月一號係愚人節(April Fools’ Day),佢嘅起源係嚟自歐美地區。當日大家會用各種招數整蠱人,反應慢嘅人就當然俾人整蠱啦,最後都係要俾人提醒先至記得今日係愚人節。而近年因為社交媒體嘅興起,所以好多品牌都會係今日出一啲整蠱嘅文章。不過有時有啲嘢真係唔應該攞嚟玩嘅,尤其而家咁疫情嘅情況下。真係唔怕個世界再混亂啲咩?

「紀念」

每年嘅愚人節大家第一時間都會諗起一個人,嗰個就係「哥哥」張國榮。年輕嘅一代當然未必認識嚟位樂壇歌手,但係對於好多人嚟講,當日佢逝世嘅新聞大家有一刻真係以為係愚人節嘅惡作劇。今年雖然因為武漢肺炎嘅影響之下,好多品牌都唔敢出任何整蠱嘅廣告同文章。而今日對於好多老闆嚟講係一個頭痛嘅日子,捱得過三月已經唔簡單,只不過仲要捱幾耐真係無人知!

「肺炎」

真亦假時,假亦真。大家都想今年個肺炎無出現過,因為今次嘅影響,相信整個2020年大家都生活係慘無人道嘅環境入面。因為即使香港再無出現新嘅個案,世界各地都未搞掂,全球經濟起碼都要一段時間先至回覆正常。而點解啲人仲用個肺炎開玩笑呢?雖然你依家無被感染,但係唔代表你唔會。就算香港已經對抗咗兩個月但係日日都有新案例,仲要應該有好多隱形感染未計。所以今日都係唔好整蠱人啦!真係唔好笑!