又更新

「更新」

不論你嘅公司大定細,其實都會希望客戶可以係搜尋器搵到自己公司。所以好多時都想令自己嘅網站係 Google 嘅搜尋排名可以排得高啲。只不過點樣先至可以呢?當中實在有好多嘢係可以做,雖然 Google 唔會話俾你知所有嘢,但係只要你跟住佢做嘅話都唔會衰得去邊。而今年九月開始,Google 會全面將手機網站嘅質素優先處理,所以如果仲未搞好手機網站嘅話,你仲有六個月嘅時間!

「手機」

手機行先其實都已經唔係今日嘅事,而好幾年前 Google 已經開始改變佢哋搜尋網站嘅搜尋方法。如果你嘅網站仲未係好支援手機嘅瀏覽器咁你網站嘅排名將會受到影響。傳統 Google 搜尋器嘅排名都係好多公司想做好,只不過香港好多網站都歷史悠久,事關好多企業都唔係太過重視網站。而且好多時間佢哋只會投放廣告,但係就忽略咗自己公司網站係 Google 上嘅排名!

「優化」

搜尋器優化其實真係包含好多因素,而當然我嘅人生都係圍繞網站而生。點樣可以係搜尋器排得高啲,我覺得有三樣比較重要嘅嘢。第一就係 Domain Name(域名),第二就係網站要編碼同結構要精簡有序,最後就係內容同關鍵字。我經常講,好嘅 Domain Name 越來越少,而 Domain Name 嘅價值就好似紅酒咁,越耐就越好,當然亦都要睇個名本身啦!


如果你有興趣學多啲關於 SEO 嘅知識,不妨去我一位朋友嘅網上平台 HDCourse 理解下。因為係行內真係無幾多個人我覺得可以推薦俾大家。


Google 官方網站
https://webmasters.googleblog.com/2020/03/announcing-mobile-first-indexing-for.html