「機會」
「機會嚟喇！飛雲！」相信好多人都聽過又或者係網上面見過嚟一句對白，但係有幾多人知道佢嘅出處？其實嚟句對白係嚟自一套日本動漫《魔神英雄傳》，一套曾經係我哋八十後嘅童年回憶。而好多人都會用嚟句對白去形容一啲難得嘅機會，要當機立斷，機不可失，好好把握，唔好錯失大好時機。其實每一集最尾嘅時候由飛雲嘅「龍神丸」講嚟句對白！
「魔神」
四月十日係乜嘢日子？就係《魔神英雄傳：七魂的龍神丸》首播嘅日子啦！唔知係乜？咁你真係太年輕了！不過事隔咁多年，講真都真係有啲期待，亦都因為有新作，所以 BANDAI 將之前嘅舊作上載至 YouTube。雖然唔係一次過上載，而且淨係得日文，不過相信好多人都懷念嚟套動畫。希望新嘅作品唔會令到我哋失望喇！最期待嘅當然就係飛雲同龍神丸嘅登場！
「故事」
咁究竟「七魂的龍神丸」會講啲乜？幾次成為救世主拯救創界山危機，大家最熟悉的主角戰部渡遭遇最大危機！再次被召喚到創界山嘅小渡，出現係佢眼前嘅就好似海市蜃樓，倒立異變嘅創界山，瀰漫著濃濃嘅邪惡氣息。亦因為咁令龍神丸嘅力量遭到封印，變得四分五裂。失去咗龍神丸嘅小渡將同劍部嘅武一郎，火美子，虎王等熟悉嘅夥伴，再次踏上救世主之旅！
