上網學

「學習」

上網學嘢當然唔係今時今日先流行,其實咁多年嚟我所學嘅嘢大部份都係網上面學。以前網站同教學都係文字為主,而家就文字加短片。睇完教材自己埋頭苦幹咁不斷試,試到得為止。最緊要嘅係唔怕失敗,不過當然亦有時候遇到樽頸位,但係亦都可以上網去請教其他人,因為世界這麼大,一定有人幫到你!而近期就唔使講,個個都上網開直播,整教學,真係唔怕宅係屋企無嘢做!

「五年」

一個五年前嘅計劃,做下停下,做下停下,因為唔同嘅原因無好好咁執行。好啦終於因為今次嘅肺炎,真係的起心肝自己逐少逐少去搞個網站,雖然進度比較緩慢,而且好多嘢都未真係搞得掂。不過應該可以邊做邊改,如果唔係五年後都未必出到街。一直都想將自己嘅課程搬上網,只係本來想將實體班搞好先,而且始終比較有互動性質嘅教學模式,但係而家無辦法,唯有上網教啦。

「平台」

其實點解當初想搞課程?最開始因為有客戶問邊度有得學,當然網上有好多教材,而且亦都有好多實體班,只係自己總係覺得可以做好啲。而且亦都希望有一個平台可以將業界嘅專家聚集一個地方,因為好多人都想幫業界做一啲嘢。希望今次起好自己嘅平台可以將五年前嘅計劃向前推進。如果大家有興趣,可以去上去個網站睇下,同試下啲免費課程。最緊要就當然登記做會員啦!


Beehive Academic
https://www.beehiveacademic.com/
https://www.facebook.com/beehiveacademic/
https://www.instagram.com/beehiveacademic/
https://twitter.com/beehiveacademic
https://www.linkedin.com/company/beehive-academic/