五十六

「學業」

無問過時間真係會快到咁,因為過咗唔知邊個歲數,我哋再無同郭大少慶祝二十七號。而家大多數都係幫妹妹慶祝,所以今日想佢開心吓就買咗個蛋糕俾佢。不過因為疫情,已經有好長時間無返學,真係足足兩個幾月。復課無期,一個星期得兩堂網上課程,所有其他嘅活動都取消晒。其實最擔心嘅都係今年開始考小學,而無學返真係好驚影響到佢嘅學習。今年餘下嘅學期都真係凍過水!

「疫情」

郭大少話咁快就已經四歲八個月,再過多幾個月就已經五歲。當然過去一個月冇得返學,大部份時間宅係屋企,老實講對於佢嚟講都真係幾悶。當然係咁嘅情況下,我亦都無咁多時間去陪去,因為真係有好多嘢要處理咗先。所以只有週末可以有時間同佢出去。不過近期嘅疫情嚴重咗,真係為咗屋企嘅安全,盡可能都留係屋企,減低受感染嘅風險。

「單車」

之前郭大少學識咗踩單車,只不過一直都無買架單車俾佢。因為真係好難下下去有單車租嘅地方,所以最終都係買咗架俾佢。我記得我自己細個自己係屋企樓下借朋友部單車自己學識咗。當然我都想有架單車,因為我真係好鍾意踩單車。而家小朋友的單車都好專業,而真係睇得出郭大少好鍾意踩單車,所以貴少少都希望買部好啲嘅俾佢。希望遲啲可以同佢兩父子一齊去遠踩單車啦!