「簡單」
有時當自己以為簡單嘅嘢其實原來再講返一次出嚟同教一啲毫無背景嘅人都真係難。好多時自己會無留意到一啲以為理所當然嘅嘢，實則上對好多人嚟講係一頭霧水。所以做嚟類型嘅課程真係要將佢分成兩類，一類係對技術有認識嘅，一類係一竅不通嘅。如果唔係俾錢上堂，但係一啲嘢都學唔到。要有效咁將自己嘅知識轉化成有效嘅課程真係唔係一件易嘅事。要不斷改進先至可以達致最大效益！
「複雜」
今個星期對得最多嘅就係 Google Tag Manager，除咗因為要處理客戶嘅問題之外，星期三嘅《數據分析小學堂》我都分享咗嚟個工具，而今日去做個客公司培訓又係講佢。之前做好多關於 Google Analytics 嘅課程，但係發現原來要有效咁教 Google Tag Manager 都真係唔容易。因為真係有好多嘢都牽涉到實際需求同對網站開發有一定嘅認識。做多幾次應該對之後嘅課程會有得著。
「設計」
今個星期雖然好忙，不過亦都慶幸有機會練習下點樣更有效咁教 Google Tag Manager。就算好簡單嘅嘢，講下講下就已經一兩個鐘，所以更加要諗下點樣先知更有效去講一個對大部份人覺得複雜嘅系統。有可能要從基本嘅構念講起，因為如果唔係就要跳嚟跳去咁樣去解釋某啲功能同設定，反而會打亂整個流程。不過到最後都係要不斷嘗試，同不斷改進，咁先至會更有效！
