病毒式


個人分享
Tagged With: , , , , , , , , ,

「虛擬」

有時真係不得不佩服一啲遊戲嘅創造者,佢哋雖然好多時都係天馬行空,不過亦都有好多係將有可能發生嘅事用遊戲方式呈現出嚟。就好似生化危機咁,因為病毒而引致全球人類面臨滅亡,成個世界都係喪屍。而唔知點解近年好似多咗類似咁嘅遊戲,都係用病毒,喪屍,生存做主題。或者今次嘅武漢肺炎係一種警示,如果有朝一日人類俾病毒打敗嘅話,最大嘅機亦都會係因為人類嘅愚蠢所致!

「遊戲」

今次嘅武漢肺炎令我諗起一隻手機遊戲《疫症公司》。其實呢隻遊戲好多年前就已經有,亦都係一隻難度極高嘅遊戲。遊戲主要係製造一隻病毒,而玩家就將病毒感染全世界同令到人類死亡。當中要不斷變種同選擇傳播方法,亦都要留意每個國家嘅情況。當然真實嘅地方就係封關,股市大跌,取消奧運等等嘅國際事件。如果你想試下嘅不妨下載嚟玩下,最起碼嚟隻遊戲咁多年我都無刪除到!

「下架」

正因為嚟個遊戲好真實所以係 2020年2月27日,《瘟疫公司》係中國大陸地區嘅手機商店中無辦法被搜尋。遊戲開發商 Ndemic Creations 隨後發表聲明稱《瘟疫公司》因為「經中國國家網信辦審查存在違反國內法律內容」而被下架。而係 2月26日下午,由北京市宣傳部組織嘅一場遊戲監管為主題嘅會議上疑似發出《瘟疫公司》下架的理由:某海外遊戲未經審批營運,玩法鼓勵傳播病毒毀滅人類,內容、玩法、地圖存在嚴重問題


如果大家有興趣玩嘅話可以用以下連結
iOS:
https://apps.apple.com/hk/app/plague-inc/id525818839

Andriod:
https://play.google.com/store/apps/details?id=com.miniclip.plagueinc