「香港」
如果你見到香港製造嘅產品你會有乜嘢感覺？依家經常見到嘅都係中國，印尼，越南，等等一啲新興嘅國家。當然中國嘅人工同成本都越嚟越貴，所以好多公司亦都會係其他國家開設廠房。相信今次嘅疫情大家都會再一次意識到本地製造嘅重要性。就好似口罩咁，就算幾缺貨都好，唔使再依賴其他國家入口，自家製。當然香港地少人多，唔係樣樣嘢都可以自給自足。
「製造」
究竟我哋幾耐無見過「香港製造」嚟四隻大字？或者年輕一代唔知道香港以前有好多工廠，而香港製造其實都好常見。只係因為七八十年代好多廠商都北移，香港工廠數量亦都大減。而其實我哋應該為香港製造而自豪！因為香港人用香港人製造嘅嘢，而且當然係一個品質嘅保證。依家要搵香港製造真係好難，不過當你見到嘅時候就會好感動同好自豪，因為我哋係香港人！
「轉型」
其實香港開埠初期嘅工業係以造船業為主，咁係由於香港當時嘅經濟時主依靠轉口貿易，同時作為英國殖民地係遠東所建立嘅一個自由港。香港除咗需要為停泊嘅商船同軍艦提供維修外，本地商人亦有建造貨輪前往海外經營航運貿易嘅需求。只不過香港慢慢轉型，依家主要靠金融同地產，當然講咗咁多年嘅轉型，其實都真係無改變過。經過今次疫情，希望會有所改變！
