奧運會


個人分享
Tagged With: , , , , , , , , ,

「奧運」

四年一次嘅奧運會,原本係今年七月二十四日係日本東京舉行。當然係武漢肺炎嘅影響之下,大部分國家都已經開始封城封國,咁就算堅持去搞都無用。點解好多國家都想舉辦奧運?當然最大嘅目的就係推動當地經濟,如果唔係投放咁多資源去搞奧運為啲乜?不過係咁多年嚟,除咗因為世界大戰奧運要取消之外,或者今年嘅奧運會將會係另一次。相信就算唔取消都應該會延期!

「東京」

究竟今次東京奧運會係延期定係取消?當然依家疫情已經全球大暴發,應該無人會去參加或者去睇比賽,如果真係堅持去舉行嘅話,其實亦都達唔到預期嘅效果。所以其實應該並無選擇,要將今年嘅奧運延期。如果取消嘅話,日本將會損失慘重,所以應該唔會發生。咁究竟再下一次嘅奧運會仲係唔係四年一次呢?究竟今次嘅疫情幾時先至會完呢?無論係點大家加油!

「點算」

無論今年有無奧運都好,最緊要嘅係大家都可以健健康康。經濟損失都係其次,當然日本好想因為今次嘅奧運可以帶動經濟。只係無人預料到準備咗四年嘅奧運,竟然會遇到武漢肺炎。當然而家仲未有任何嘅方案,但係相信奧委會應該會將東京奧運延期。無人可以承擔一個咁大嘅責任,將全世界嘅運動員嘅健康作賭注,而日本亦都唔會答應就咁取消,因為影響會十分之大。