整網站

「簡單」

二十幾年前,係呀講緊上世紀嘅事呀,啱啱學寫網站嘅時候真係慢慢一行行咁寫。去到今時今日整一個網站真係簡單到一個點係一個鐘頭就已經有嘢睇。由買 Domain 到 Hosting 再安裝埋 WordPress 最多搵個 Theme 裝好晒真係超方便。而家有啲甚至乎好似 Elementor 嘅 Plugin 咁,可以自己左切右切,真係俾少少錢就可以輕而易舉咁搞掂一個網站!

「網站」

而家咁嘅情況最好做啲乜?當然就係做啲平時無時間做嘅嘢啦,除咗諗點樣行之外,最好就係執返好啲網站。通常最頭痛嘅都係內容,因為真係無人幫到你。當然而家越嚟越少人會自己寫網站,就連一個網購嘅平台都已經可以係手機搞掂。所以十幾年前就已經知道幫人寫網站真係無得做!網站最頭痛嘅係啲圖同字!因為內容先至係網站嘅核心,所以應該用最多時間去處理。

「管理」

其實咁多年都係用 WordPress 為主,當然好多人會同其他平台比較。或者自己用慣左,所以基本上所有自己嘅網站都係 WordPress 做底,而自己用咗好多時間去搵咗幾個 Theme。當然要搵啲大啲嘅開發者,最起碼會經常更新,如果唔係就會出現兼容性問題,最後又係要重新整過個網站。當然一個網站希望用佢三五七年,不過其實一般都會三年轉一轉。