第二波


個人分享
Tagged With: , , , , , , , , ,

「爆發」

疫情開始嘅時候,好多人都好驚,所以一個二諗住飛去第二度避開疫情。咁啱疫情爆發嘅時候正正係農曆新年,而大部份嘅學校都放緊假,之後亦都要停課,所以好多人都諗住等香港疫情好返啲先返嚟。誰不知今次嘅疫情開始蔓延到其他國家,亦都大爆發,好多國家開始封城封國。再加上防疫意識極之薄弱,所以個個都急急腳咁返香港,因為最起碼香港除咗缺口罩之外,其他防疫物資到尚算可以。

「確診」

近日香港武漢肺炎嘅確診個案急劇上升,而主要嘅原因係因為好多人係強制隔離之前返香港。當然如果我有小朋友係外地嘅話,我都會叫佢哋返嚟,因為外國人嘅防疫意識真係非常薄弱。當然香港人經過沙士一役,真係見過鬼都唔怕黑咩,而防疫嘅意識非常之高。最起碼香港人個個帶口罩,雖然因為之前疫情有所紓緩,不過相信近日嘅確診個案,大家嘅防疫意識應該回覆到最高水平!

「隔離」

香港所謂嘅「隔離」其實真係「隔籬」,因為如果屋企人返嚟香港之後,只不過係佢自己要隔離,但係屋企人依然可以週圍去。當然屋企人係緊密接觸者,所以好可能會有感染嘅風險亦引致社區爆發。當然如果你問我,我都會選擇返香港,因為真係安全啲。只係如果真係選擇返嚟香港嘅話,希望大家真係做好自我隔離!最重要嘅就係當有病徵嘅時候一定要去睇醫生!出少兩個星期街係唔會死嘅,如果累到其他人,你真係過意得去嗎?