「一條」
好多公司都想做到一條龍嘅服務，有啲係因為貪心，有啲係想提供更好嘅服務。而好多客戶都唔想煩，尤其係去管理唔同嘅服務供應商，而且合作開有默契。當然搵一個人好過搵十個人，只不過係唔係所有嘅服務範圍都係佢哋嘅強項。當然有時要衡量好多唔同因素，而大部份嘅公司會注重價錢同質量，所以好多時都要取捨。但係依家環境唔同，所以好多公司都會搵啲專業啲嘅公司去處理唔同嘅服務。
「服務」
好似數據分析咁，咁多年嚟好多公司都想提供一條龍嘅服務，但係事實上真係好難做到。所以市場上面有好多唔同種類嘅公司提供不同領域嘅產品同服務，要佢哋之間通常唔會牽涉到大家嘅領域。而背後要將咁多平台同數據鏈結起嚟，其實都真係好考功夫，因為要了解每個產品嘅特性，同時又要符合客戶嘅要求，最重要係唔同平台嘅兼容性。所以一條龍有一條龍好，斬件有斬件好，真係睇自己嘅需要。
「生態」
好幾年前我都已經講過同樣嘅概念就係一個生態圈。如果一間公司可以係某個領域自己形成一個生態圈嘅話，其實基本上可以自給自足。世界上無一間公司係可以壟斷所有嘢，但係如果可以獨當一面嘅話就已經好好。咁啱最近見到朋友嘅公司架構，有令我再一次確定之前嘅諗法係啱，雖然佢個比我個更大更複雜，但係整體嘅概念都係一致，就係分上，中，下游嘅生態圈。
