新嘗試

「嘗試」

其實想做網上教學都一段時間,只係無真係好認真同投放資源去再做好啲。當然今次嘅疫情推動咗唔少嘢,而大家都應該成就解鎖咗好多嘢,當然包括視像會議。以前係大公司其實嚟類嘅會議大把,日日如是,所以都已經好習慣個模式。雖然今次係分享,純粹乜都講啲,試下大家嘅反應。不過始終係第一次,所以總有啲嘢甩漏。就算事前試好晒所有嘢,最後都係賴嘢!

「直播」

凡事都有第一次,係屋企做直播真係一大挑戰!個挑戰就係當你有兩個小朋友係屋企,一個要瞓覺而另外一個就會同你講嘢。不過今晚大致上都算順利,只係開頭唔知點解突然開始嘅時候 Zoom 同 Facebook 連接唔到,最後搞咗十分鐘先至開始。不過真係有啲甩漏,唔記得介紹自己,因為應該唔係個個都知道我係邊個。之後應該睇返有啲乜嘢位要執。希望下次再做好啲啦!

「反應」

雖然唔知大家嘅反應,睇返數據好似唔係太多人真係睇晒,要再研究下 Facebook 啲數,因為唔係太理解到某啲定義。一個小時嘅直播有可能真係對好多人嚟講長咗啲。而我又長氣,所以下次試下四十五分鐘睇下點。真係貴精不貴多!依家希望一星期可以做日兩次,不過啲時間真係要再諗諗。如果你有睇過我嘅直播,希望可以俾多啲意見,等我可以再做好啲。