「重點」
要分析客戶嘅行為嘅第一件事就當然係要有自己嘅網站啦，好多人以為隨隨便便係社交媒體開個專頁就可以了解客戶就真係大錯特錯。點解？因為社交平台嘅數據只係反映客戶同平台相關嘅活動，而且數據係平台提供，你係無擁有數據權，所以要認真了解客戶嘅行為係必須有自己嘅網站。現今嘅科技要做一個網站其實真係好易，只係要花時間係內容，圖片同排版方面需要多啲功夫，如果唔係一兩日都應該可以！
「安裝」
當有咗網站之後，第一件事當然係安裝 Google Analytics 啦，不過真係有人問過我乜唔係裝 Google Tag Manager 就得咩？乜唔係唔洗再裝 Google Analytics 咩？首先嚟兩個係唔同嘅產品，而點解裝咗 Google Tag Manager 唔洗係網站再安裝 Google Analytics？因為我哋將 Google Analytics 加咗入去 Google Tag Manager 入面管理。所以就唔洗另外安裝。咁究竟邊樣好啲？其實如果你問我嘅就當然係 Google Tag Manager 啦，因為長遠有用，有時間再講！
「基本」
雖然好多人安裝咗 Google Analytics 係自己網站，但係入面嘅設定大部份係無人理會。如果係咁嘅情況之下，好多時有大約 20至30% 嘅數據係有機會假嘅。因為訪問網站嘅係程式以唔係客戶。當然 Google 已經幫你清理咗絕大部份嘅問題，不過真係基本上殺之不盡。另外真係真係最好用時間去了解啲數字背後嘅定義，事關如果唔清唔楚真係完全會理解錯晒導致分析都坐埋。基本功係需要打好，唔好心急。
