「分析」
其實數據分析分咗好多類型，而做數碼分析師要配備嘅技能真係十分之多。有營銷，設計，客戶體驗，編程，測試等等，所以要數嘅真係數唔完。至於工具方面亦都係多不勝數，只不過最基本嘅都係由 Google 嘅工具開始，而近年 Google 嘅產品亦因環境不斷優化。所以要駕馭數碼分析，其實一啲都唔可以偷懶，要不斷更新自己嘅知識先至可以配得上係一個稱職嘅分析師。
「入行」
當然好多人想加入數據分析嘅行業，不過首先要了解一樣好緊要嘅嘢就係啲數據其實係點樣收集，而收集嘅目的係啲乜。另外亦都要了解新嘅技術同限制，因為不同行業有不同嘅要求。而家要做數據分析，最基本嘅工具包括收集網站同手機程式嘅用戶行為 （Google Analytics 同 Firebase），標籤管理（Google Tag Manager），用戶測試同個人化（Google Optimize）同數據圖表化（Google Data Studio）。
「基本」
Google Marketing Platfrom 其實係好強大，但係亦都唔係萬能，亦都有佢既弱點。只不過因為 Google 好多工具都免費，所以相對比較容易學習，要搵人亦都比較容易。不過至於係唔係全能型嘅分析師就未必係，因為佢哋可能只係對 Google 嘅產品比較熟悉。如果要開始嘅話就一定係由 Google Analytics 同 Google Tag Manager 開始，而另外極度建議要先對開發網站有一定嘅了解，當中包括 HTML，JavaScript，CSS 同 Regular Expression。
