「生意」
其實做生意好多時都會遇到咁嘅問題，就算你自己有幾大嘅把握都好，一日個客未簽實到可能有變數。傾咗一年半載又如何？同你合作過又如何？就算簽咗又如何？如果做得唔好個客亦都會有解約嘅風險。所以我永遠唔會坐定粒六，亦都永遠抱著輸嘅心態去做。當然就算心理質素有幾好，接二連三嘅壞消息點都有影響。但係再諗深一層，其實好多人都係咁，倒不如繼續向前行！
「勝負」
好多時當你以為自己贏梗嘅時候就會開始放慢腳步，點知就因為咁樣輸咗。其實係唔係有少少好似龜兔賽跑呢？一日未過終點，一日你都仲係未贏，那怕只係嗰一剎那，就係咁你就輸咗。所以一定唔好咁快以為自己贏硬，又或者打定輸數，勝負其實真係一線之差，只要由頭到尾都用盡全力去應付，就算最後輸咗又點？最緊要對得住自己，任何時候都全力以赴！
「心態」
好多人會話，做人可唔可以正面啲呀？當然無話唔可以，只係已經習慣咗。雖然未至於麻木，只係唔會抱住一定贏嘅心態去做嘢。最緊要係個心態，將自己做到最好，唔好輕易放棄，總有一日會有機會。如果因為太過自負，以為自己贏梗就大錯特錯。而事實係自己親身經歷過，以為輸咗點知轉幾經波折有贏返。世事無絕對，只有真情趣！
