大跌市

「股市」

好多香港人都有炒股票嘅習慣,而過去幾年道瓊斯指數一直係咁升。由金融海嘯之後嘅最低位嘅七千幾點一直到今年二月中嘅歷史新高嘅二萬九千幾點。不過之後就一直係咁跌,仲要下下跌成千點。當然如果你從來無諗過個市會跌,又或者覺得武漢肺炎無影響嘅話,咁真係冇嘢講。而就算無今次嘅疫情,個市場本身已經非常泡沫化,跌係遲早嘅事,大跌就真係太多不利嘅因素。

「經濟」

今次嘅武漢肺炎已經唔再只係影響亞洲市場,而今次嘅影響應該只係啱啱開始。就算個股市已經連日大跌,但係只係將之前嘅泡沫蒸發緊,而實質上都未真係入到肉。當然跌到幾時真係無人知,但係一定未見底。依家只可以做嘅就係準備最差嘅情況,而且準備好當個市場開始回覆正常嘅時候再重新出發。人生真係可以遇到幾多次逆境?過去二十年都已經係第三次了!

「熔斷」

雖然話有熔斷機制去等市場冷靜落嚟,唔好俾佢係咁跌,不過依家咁嘅環境,疫情係全球開始爆發,講真一早就已經唔係單單一兩個國家嘅事。而世界衛生組織真係嫌個經濟唔夠差,無啦啦宣佈武漢肺炎已經係全球大流行。老實講就算佢哋唔宣佈,好多人都一早就已經覺得係㗎啦!而有啲國家仲以為好似感冒咁對待今次嘅疫情,真係唔知係無腦定白痴!