「屋企」
莫講話依家科技發達，就算以前係大公司做嘢，開胯國會議真係好平常，夜晚開電話會議基本上係家常便飯。當然視像會議相對比較難，因為當年網絡速度問題所限制。依家真係隨時隨地都可以開會，亦都唔駛坐定定係電腦面前開會，除非你要做簡報啦，如果唔係基本上用手機就得。亦都因為今次疫情就連學校都要被逼用視像會議上堂，真係唔知幾時有學返！
「工作」
好多公司因為疫情嘅關係，大家突然之間要係屋企工作。好多人都話好唔慣，因為香港環境真係比較難。屋企已經地方唔大，有時仲要有屋企人走來走去，如果有小朋友嘅話就更加大獲。雖然好多年前已經開始係屋企工作，不過有時都係需要有一個安靜嘅環境先至可以專心工作。其實好多大公司好多年前已經有咁嘅工作安排，最主要嘅原因都係想節省開支啫！
「專心」
其實係屋企做嘢最大嘅問題係有好多嘢干擾你嘅專注力。如果無一間書房做嘢其實真係好難專心。當然要習慣就要自己安排好同調節好工作嘅心態，通常我會將時間四分法，每十五分鐘一節。極專心咁做，然後處理其他嘢。另外你會發現自己唔會再係朝九晚六，因為啲嘢攤開咗嚟做。到最後當然係屋企有屋企好，返公司有返公司好，最後做到嘢搵到食咪得囉！
