「網店」
其實好多年前都寫過關於開網店，不過今時今日終於多咗人覺得網店嘅重要性。而且而家開網店真係十分之簡單，價錢亦都相對合理。點都好過投資一大筆金錢同浪費時間自己起個網站，除非你係大公司啦，如果唔係十居其九都應該係倒落鹹水海。以前就話要用外國嘅平台，但係其實香港亦都有兩間公司提供網店服務。當然各有千秋！
「掌舖」
近排多咗人問我開網店嘅嘢，或者真係而家嘅市場情況。如果大家真係想開網店嘅話，我都會建議大家去了解下「掌舖」。雖然我認識佢哋嘅創辦人，不過我唔係幫佢宣傳，亦都唔需要！你睇下佢有幾多客先啦！而最出名嘅都應該係「女鞋國」莫屬！當然到最後都係要記住一樣嘢，因為係好緊要！就係，你賣啲乜同香港最難搞嘅物流。不過「掌舖」都應該會幫到你！
「問題」
其實做網店都係分三部分，推廣吸引客源，提供有用嘅產品資訊，最後俾錢同物流。其實最麻煩嘅通常都係俾錢同物流，因為如果無支付平台，你想收錢都收唔到。如果有實體產品嘅話，物流就更加重要，因為要將貨物送運到客人手上。而好似「掌舖」咁，其實好多嘢都已經幫你準備好，一般都係申請帳號相關嘅嘢。相對要由零開始，其實已經幫你解決九成嘅問題！咁就可以專注係推廣同產品！搞到我都想搵啲嘢賣！
