搶購潮


個人分享
Tagged With: , , , , , , , , ,

「肺炎」

今次嘅武漢肺炎真係殺大家一個措手不及,好多人其實都真係無準備,而咁啱正值農曆新年。所以貨源出現短缺,導致大家去搶日常用品。當然我都驚唔夠消毒用品,甚至差啲連飯都無得煮,亦都要樸口罩。不過其實係唔係真係需要搶咁多呢?過咗咁多年點解仲好似以前咁盲搶鹽?買咁多返去真係用一年都未必用得完,不過嚟個亦係人類嘅一個無差別嘅現象。

「狂搶」

如果你以為淨係香港人先至會搶物資嘅話,咁就真係大錯特錯了!近日基本上都有海外嘅朋友話超級市場啲嘢俾人買晒,尤其係廁紙。唔知以為自己睇緊喪屍片,啲人係咁瘋狂買,就咁睇啲相,佢哋搶嘢嘅程度遠遠超過香港。不過真係唔明點解係廁紙呢?柴米油鹽我都或者明,但係廁紙就諗極都唔明。不過最起碼而家香港淨係得口罩依然短缺,希望疫情快啲過啦!

「自私」

人當然就梗係自私㗎啦,有啲乜嘢事都係顧咗自己先,不過顧還顧都應該要理性。估唔到除咗香港有人打劫廁紙,就連澳洲都有人搶廁紙。所以話有時真係唔好笑,人始終係人,真係無分地域。講到尾,如果真係有世界末日,好似啲喪屍片咁,我都相信最後都會因為人嘅自私害死自己。人不為己,天誅地滅。不過大家可唔可以理性啲呢?