配眼鏡


個人分享
Tagged With: , , , , , , , , ,

「眼鏡」

真係無奈,其實我好少買眼鏡,通常真係用到爛我先至捨得去配過一副。自己又唔係太鍾意帶隱形眼鏡,因為始終唔舒服。一般我啲眼鏡嘅壽命大約四至五年,而每次都係爛個位置都係一樣,就係個鼻樑位。真係唔想換眼鏡都唔得,當然而家有好多相對比較平嘅眼鏡,真係四百蚊包晒所有嘢,真係仲有無需要去配一啲貴嘅眼鏡同鏡片呢?

「日本」

過去幾年,有好多日本嚟香港開嘅眼鏡舖。原來好多人去日本都會去配眼鏡,原因係因為可以快速配到眼鏡,而且價錢相當平易近人。當然最緊要嘅係仍然保留日本人堅持嘅品質。當然香港亦都有類似嘅品牌,但係感覺都係好似日本品牌同品質有保證。相信今次換眼鏡都會平平地咁試下,同時亦都想換下造型。始終換嚟換去都差唔多嘅款式,因為始終用幾年唔敢搏!

「速度」

講到有邊幾間眼鏡舖,當然有「JINS」,「Zoff」同「OWNDAYS 」。而佢哋都係打平民路線,而且好似我咁,如果突然眼鏡爛咗,一般配副眼鏡最快到三五七日,但係如果你無乜要求,佢哋最快三十分鐘就已經攪掂。雖然話我自己近視唔係太深,但係最近好似有啲老花,反正舊嗰副爛咗又睇唔到,相信我都會去睇下,平平哋是但配番副就算。