海鮮舫

「珍寶」

珍寶王國係香港島南區黃竹坑深灣嘅水上餐廳,由並排停泊嘅兩艘著名海上畫舫珍寶海鮮舫及太白海鮮舫組成(昔日還包括海角皇宮),係香港南區嘅著名地標。很多人一般以「珍寶海鮮舫」之名概括整個珍寶王國,現時珍寶王國由香港上市公司新濠國際發展有限公司負責管理。

「回憶」

珍寶海鮮舫應該係好多香港人嘅回憶,不過我自己就應該無去過。淨係記得有個咁嘅地方。我諗最多人會記得嘅原因係當年周星馳嘅一套電影「食神」,最尾個部份係去咗珍寶海鮮舫拍攝。而黯然銷魂飯都係咁樣誕生!而係好多外國旅遊書其實都有提及海鮮舫,所以亦都係一個旅遊景點!試問香港仲有邊度可以搵到咁嘅地方?希望海鮮舫唔會就咁成為香港人嘅集體回憶!

「停業」

之前因為反修例風波,好多行業其實相對係受到影響,不過就算點都好易都唔會好似今次個肺炎咁大鑊。老實講都唔知幾時先至會搞掂!就算無晒新增病例,之後都要搞多幾個月,相信應該陸陸續續都會有公司裁員,凍薪,減人工甚至乎結業。希望疫情快啲受控,而海鮮舫可以好快重開。