「女仔」
隔咗幾年今次到改個女個名，當然都係想用返郭大少個「晞」字，不過都最後當然都係要俾師傅睇完佢個時辰八字之後先再睇吓乜嘢字先至啱佢，因為「晞」字本身屬「火」所以唔係一定用得返。點知咁啱無一個「希」字同郭千金夾，最後無辦法，我哋揀咗另一個「希」希望可以統一啲。
「中文」
其實改名真係唔係一件容易嘅事，又要顧背後個意思，又要夾時辰八字，今次難度再高啲就係希望同郭大少個名有間係。有啲人會揀中間個字，有啲人就會揀最尾個字，而我哋就傳統啲揀中間個「希」字。而因為郭大少係「太陽」，所以郭千金咪係「月亮」囉！哈哈，咁如果有第三個就肯定叫「星星」，集齊一套。不過嚟個就一定唔會發生。好啦咁郭千金最後中文名係乜？就係叫「琋月」！
「意思」
咁點解郭千金叫做「琋月」？當然首先個名要女仔啲先啦，另外就夾到最適合佢個八字同五行。「琋」本身係古人用嘅名，而同「稀」與「希」同音，取其意思稀有同希望！至於個「月」當然就希望佢好似月亮咁靚啦！所以夾埋嘅意思就係稀有嘅月亮，希望佢好似月亮咁無論係幾黑暗嘅環境中都可以照亮出自己嘅路！希望「琋月」健健康康，快快樂樂！
