「數據」
數據係一面雙刃刀，如果用得其所係可以改變世界，但係亦都可以好恐怖。科技嘅發展將大部份嘅設施電子化同網絡化，因此從中可以取得大量嘅數據。如果再加上人工識別功能嘅話，基本上無時無刻你都會被監控。當然咁樣係會觸發私問題，只不過即使你住係一個荒島，其實某程度上都有機會俾人搵到。如果唔想俾人搵到嘅話，分分鐘真係要搵個地下深淵先至得。
「監控」
其實大家有無諗過究竟今時今日我哋身邊有幾多電子儀器係無時無刻咁監察緊我哋每個人嘅一舉一動呢？當然有啲係為咗保障大家嘅性命同財產嘅安全，但係有啲你以為係自己嘅私人物品，不過或者某程度上亦都係監察緊你。雖然你會覺得係唔係有啲誇大咗，不過事實係咁，除非你與世隔絕。任何人如果可以掌握嚟啲資料同數據嘅話，相信無一個人可以逃出佢嘅法眼。
「政府」
當然好多政府都想利用科技去監查社會每一發生緊啲乜嘢事，如果係用嚟打擊罪惡，改善生活嘅話就當然係好啦。不過如果用嚟去打擊異己嘅話問題就大了。例如中國政府就建造緊一個被視為全球最大嘅監控系統！依家全中國現已有一點七億個監控嘅鏡頭，而大部份已經有人面嘅識別功能。而計劃未來三年佢哋再會安裝大約四億個新鏡頭。你都咪話唔驚，因為一出門口就俾人監控住！
Also published on Medium.
