「結他」
好多人都未必認識盧凱彤，但係如果你認識佢嘅話應該或多或少係因為佢同林二汶組成嘅at17。自己點解會關注佢嘅原因係因為佢彈結他有一種特別嘅個人風格。香港真係好少有一個彈結他彈得咁好嘅女音樂人，如果大家有去過紅館睇演唱會嘅話，好多時都會見到佢嘅蹤影。雖然你可以話結他啲聲大致上都一模一樣，但係佢嘅結他聲係有啲唔同，就算你見唔到佢個樣其實係聽得出係佢彈嘅。
「婉惜」
其實睇到新聞嘅時候真係好呀愕然，起初以為自己睇錯，但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人，好多時睇演唱會都會睇下係唔係佢彈結他。或者大家對佢嘅了解唔深，甚至乎佢唱過啲乜嘢歌或者患有燥鬱症都唔知。有時看似一切都正常，但係有時正常就正正係唔正常。你辛苦了！雖然係一個好難接受嘅事實，但係相信大家都會尊重你嘅決定同永遠記得你！
「多謝」
多謝你嘅音樂！多謝你嘅堅持！多謝你嘅堅強！生命不在乎長短，只在乎精彩！你嘅一生一定係精彩！「將鬱燥滋味紋上右臂，不蓋掩我傳奇。不只有焦慮還有樂器，跟我走赴遠地。重生，童年若不欣喜，何妨自今天起。人生，人人話自三張起。不必太悲。揮揮手告別這字頭，今天起快樂我自求，不想將畏懼當最知心朋友。寫首歌慶賀轉字頭，這雙手決定以後不發抖，捧著結他救地球。」
Also published on Medium.
