「成功」
人要成功就需要有目標，而要達成目標就需要有動力，所以動力係成功嘅源頭。如果無咗動力嘅話，其實就好難達成目標，最終只會失敗收場。所以動力係好緊要，要有動力先至會成功。當然每個人嘅成功標準都唔同，有啲係簡單嘅，有啲係複雜嘅，只不過所有嘢都係要有動力先至做得好。如果有一日你失去咗動力嘅話，相信係應該改變自己嘅時候，或者試下改變目標或者自己成功嘅定義。
「動力」
每個人嘅原動力都會有唔同，有啲人會係因為金錢，有啲人係因為家庭，有啲人係為咗生活，等等。咁你嘅原動力又會係因為啲乜嘢？好多時人會因為唔同嘅環境而失去咗動力，所以要調節自己嘅心態係好緊要。只要一日仲有團火，仲有些少嘅動力，其實就有機會成功。雖然有時真係會做到心灰意冷，但係如果連自己都失去咗動力嘅話，真係無人可以幫到你！
「肯定」
如果你問我，我嘅動力係啲乜，我相信係肯定！嚟種肯定唔係金錢嘅肯定，而係能力嘅肯定！因為好多嘢唔係金錢可以取代，只要你有能力，自自然然就會有唔同嘅回報。有啲回報係錢都買唔到，所以我做嘢好多時都係係睇長線，唔好因為短期嘅回報而去改變自己嘅目標。不過話雖如此，唔係個個人都會係咁樣諗。所以做人最緊要知道自己嘅目標先至會成功！
Also published on Medium.
