「快樂」
點樣先至快樂？當然有時聽森美小儀嘅早霸王唔止係為咗星期五嘅環節，其實好多內容都好有趣。今日聽到森美佢哋講關於美好人生嚟個題目，而係節目入面提及一段良好嘅關係會影響好多嘢。每個人都有唔同嘅關係，當中包括家庭，朋友，學業，事業，夫妻，子女，等等，而森美所指嘅研究係由哈佛大學經過長達七十五年嘅研究。咁點樣先至係快樂呢？
「關係」
撇開功成利就，如果快樂，健康，滿足感先至係我們應該追求嘅人生終極目標，咁究竟點樣先至可以達成？哈佛大學醫學院臨床精神病學教授羅伯威丁格所負責史上最長嘅「快樂」研究，或者可以解答我哋嚟個問題。從一九三八年開始，研究總共追蹤咗七百二十四位成年人，每一年研究團隊都會詢問研究對象嘅工作，生活，健康等狀況。至今還生存嘅有大約六成，而佢哋都已經九十幾歲了。
「健康」
研究指出一個很清楚嘅訊息，就係良好嘅關可以幫我哋維持快樂同健康。關於「關係」有三個重點：「孤單有害，社交活躍有益健康」，「友不在數量多寡，而在關係深淺」，「良好關係不只保護身體，也保護腦力」。最快樂健康嘅人係與家人朋友擁有親密關係嘅人。不過，對絕大多數嘅人嚟講，維持關係並不是件簡單的事，因為人嘅煩惱亦都係從人際關係而來。
Also published on Medium.
