「四維」
乜嘢係四維？中國人嘅傳統係有四維八德，而四維係指禮義廉恥。正所謂四維不張，國乃滅亡！一維絕則傾，二維絕則危，三維絕則覆，四維絕則滅。不過係現今嘅新世代好似唔見咗嚟四樣嘢。做人嘅基本係應該有禮義，禮係指規規矩矩嘅態度，義係指正正當當嘅行為。當然出自之外就係廉恥，廉係指清清白白嘅辨別，恥係指切切實實嘅覺悟。
「學生」
最近浸會大學嘅學生因為不滿校方要求修讀普通話課程才能畢業，而浸大學生批評課程太難，去年首場逾三百名學生應考嘅豁免試及格率只有三成，所以學生要求校方交出考試嘅評分準則同上訴機制。雖然我經常講唔好批評而家嘅年輕人，但係佢哋嘅行為真係非常過份。就算班學生有幾啱都好，今次錯嘅係佢哋！連基本嘅禮義都無，用粗言穢語同威脅嘅方法去處理事件實在令人失望！
「問題」
如果你有睇過條片嘅話，相信你都唔會認同班學生所做嘅嘢。或者校方係有責任，但係用言語暴力同侮辱教師，嚟種行為真係唔要得。要解決問題係有好多唔同嘅方法，但係佢哋採用咗一個完全唔理智嘅方法。嚟個亦都係現今香港教育嘅問題！如果只係專注學術而唔理會德育嘅話，莫講話四維，甚至連八德都無。嚟個係我哋想見到嘅新世代嗎？錯就要認，辯駁唔會將件事帶回正軌！無禮義又邊會有廉恥？
Also published on Medium.
