「僭建」
我諗好多人都唔明新任律政司長鄭若驊點解可以買咗間屋咁耐都無發覺自己間屋其實係有僭建！當年特首嚴厲打擊違例僭建，依家佢又會點樣處理？而鄭若驊竟然話自己工作太忙，太多嘢做所以無為意有違規！嚟個解釋真係好難去理解，更何況佢係一位律師？有好多嘢其實係唔需要搵專業認可人士都可以知道間屋係有僭建。嚟個真係關乜嘢警覺性及政治敏感度不足咩嘢事？
「好忙」
本人好忙，警覺性不足，文字敏感度低，加上不同壓力，現誠實承認自視過高。絕不隱暪，我寫的文章沒有人欣賞乃是人之常情，你要給予空間好讓我有時間處理，唔好小事化大，大事化小，我會聘請認可人士幫我處理。總之大家是沒有辦法想像我有幾忙，希望大家可以包容下我，我絕會繼續每一寫一篇文章，履行郭宅的大小事務。如果無事，我先出返去！
「質疑」
相信好多人都會質疑，因為工作繁忙係唔係能夠成為出任公職人員開脫嘅理由！鄭若驊曾擔任《建築物條例》上訴審裁團主席，無可能聲稱自己無專業嘅知識，更加無可能唔為意自己屋企有僭建。依家佢被任命為律政司，係佢上任之前其實係唔係須要接受品格審查？直至今日，佢依然未有交代有否如實向政府反映自己屋企有無僭建，問題係涉及佢嘅誠信。
Also published on Medium.
