「頭痛」
你有無試過頭痛？通常一般人頭痛都會食藥希望減輕痛楚，當然頭痛好影響生活，而且有啲頭痛其實係代表身體出現一啲問題。所以有時唔好睇輕頭痛，以為係好平常嘅事。如果真係有持續性嘅頭痛就必須去睇醫生，唔好以為食咗一般嘅止痛藥就無事。而出現頭痛嘅原因其實有好多，所以有時真係唔會知道究竟因為咩嘢事而頭痛。最好都係搵個醫生睇下以防萬一。
「定時」
近日經常性定時頭痛，所以就上網搵下有無啲咁嘅資料。當然如果持續嘅話就梗係要去睇醫生啦！不過原來真係有種頭痛係會定時定候出現，而真係有一種頭痛叫做叢集性頭痛。叢集性頭痛係一種神經性疾病，常見症狀為反覆性嘅嚴重偏頭痛，常見係眼眶周圍。通常會流眼淚，鼻塞，患側眼眶紅腫。一般而言，症狀持續十五分鐘到三個小時左右。頭痛會斷斷續續持續一周或一個月，有啲甚至會到一年左右。
「種類」
頭痛可以分為原發性同次發性兩種。原發性頭痛係良性嘅經常性頭痛，唔會因為潛嘅疾病或者係其他結構性問題而造成。例如偏頭痛就係一種原發性頭痛。原發性頭痛可能會造成每天顯著嘅疼痛，甚至會影響生活，但本身沒有危險性。次發性頭痛係因為其他原因造成嘅頭痛，原因就好似系統性感染，頭部外傷，血管疾病，網膜下腔出血，腦腫瘤等。次發性頭痛可能無害，亦有可能有生命危險。
Also published on Medium.
